عروسة ماريونيت

عروسة ماريونيت يلعب بيها كل البشر

يجبوها يمين أو شمال مش مهم المهم انها بتتحرك زى ما هما عايزين هيا طب عايزة ايه مش مهم المهم انهم مبسوطين وهما بيلعبوا بيها .

عارفين العروسة دى مظلومة أوى ، الدنيا تعبتها ومين طب حاسس بيها دورت على حد يحس بيها ويعرف قيمتها أصلها عروسة أصيلة بس ملهاش نصيب .

ف يوم لاقت حد بقت حاسه ناحيته انه هو ده اللى كانت بتدور عليه كانت دايما مستنيه انها تلاقى اللى يحس بيها ويقدر قيمتها بس هيا عارفه ان ف كتير مهتمين بيها ونفسهم ياخدوها معاهم بس كانت مستنيه ده بالتحديد .

خزلها وطلع زيهم طلعت ولا حاجه ف قلبهم كلهم عايزين يلعبوا بيها عشان هيا ف الأخر لعبة ، لعبة حلوة جميلة والكل طمعان فيها وكله نفسه تكون معاه بس هيا نفسها تكون مع مين .

فكرت ورجعت لنفس نقطة البداية هتدور فين وتلاقى مين ما هو العالم شبه بعضه وكله محصل بعضه كله زى بعضه مفيش نتيجة غير الصفر اللى دايماً ملهوش قيمة .

العروسة تعبت من كتر اللعب بيها راحت تفكر ف طريقة تخلص بيها م الدنيا لاقت ان مفيش اى طريقة غير انها بلاش تتنفس بس حتى النفس مش بايدها فكرت تمشى من أى طريق بس حتى الطرق تاهت وإحتار عقلها فيها .