تعليق بسيط حبيت أعبر عنه ليه أنا مش
بتعامل بالطريقة اللى بعامل الناس بيها هو ياترى محدش فاضى من الناس اللى بتابعهم وبقرأ
المدونات بتاعتهم وبكتب تعليق عندههم كل واحد منهم يحاول يعرف اللى كتبت تعليق
عنده دى مدونتها شكلها ازاى أبعاد شخصيتها اللى بتظهر من خلال كتابتها شكلها إزاى ،
مش فاضى يقرأ فى مدونتى ولو بوست واحد ، ولا يا ترى هما بيقروا ومش عاجبهم اللى
بكتبه حتى لو ده بيحصل طب يكتبوا انه مش ظريف مش عاجبهم مثلاً ولا ياترى هما
بيعجبهم بس ايديهم وجعاهم مش قادرين يكتبوا تعليق ......؟؟؟؟؟
الموضوع ده منتشر أوى ومن أول ما عملت
المدونة ده على أساس إنها "غير مرئية" مخفية لابسه طاقية الإخفاء يعنى
!!!!!!!!
وللى خريجى مدارس لغات هى مدونتى لابسة
""" Hidden cap""" ؟؟؟؟؟؟؟؟
عموما أنا بشكر المتابعين اللى عندى اللى
رأيهم بيوصل ليا وبيسألوا عليا حتى لو غيبت فترة ودايماً منتظرين الجديد فى مدونتى
....
تحية خاصة لأستاذ جمال أبو العز لأنه هو
الوحيد اللى بيعلق فى مدونتى ومنورها بمروره الدائم ................
وجزيل الشكر لكل من مر بمدونتى مرور الكرام
ولم يُعبر عن رأيه له منى كل التحية والإحترام ؛؛؛؛؛
ندى الربيع
ردحذفأولا مدونتك مدونة جميلة بجد وتستحق كل تقدير وأنا بشكرك جدا على كلامك الجميل والمدونة منوره بصحبتها اكتر وتعليقى الدائم لان موضوعاتها جميله حتى لو بتشكى عن موقف معين بيبان فى كلماتك ولكن فىالغالب الى بيدون بيدون علشان عايز يطلع الى جواه ممكن بيقول فى المدونة الى مش بيقدر يقوله للناس وبيعبر بالطريقه الى بتعجبه مش الى مضطر يعبر بيها يعنى الإنسان بيدون لنفسه فقط على فكره فيه مدونات كتير الناس مش بترد على التعليقات الى بتجيلها وده عادى وياما ناس كتير دخلو التدوين وخرجوا تانى ولو عايزه تشوفى دول هتلاقيهم فى التعليقات الى عندى من 3سنين
وفيه ناس كتير بتقرا الموضوعات من غير متعلق عليها وممكن واحد بيبحث عن حاجه فتظهر مدونتك ويدخل ويقرا بس فى النهاية مش بيعلق خلى المدونة متنفس لعقلك
أنا بدخل أقرا فى مدونات كتير وبستمتع بده كانى بقرا مجله وبيكتب فيها ناس كتير والميزه ان كل واحد له طريقة تفكير مختلفه والى هيعجبه كلامك أكيد هيعلق عليه لو هو بيقدر كونه يقول جمله بسيطه تعبيرا عن جودة الموضوع
ويا ريت متفكريش تحرمى أى متابع لمدونتك من موضوعاتك الجميلة
تحياتى لكى ولمدونة ندى الربيع
بجد شكراً أوى أخى العزيز جمال شكراً لذوقك وتعليقك الجميل الهادئ
ردحذفشكراً لتشجعيك ليا إنى أكتب أكتر شكراً لوجودك هنا بإستمرار بجد انت منور مدونتى ومخلى فيها روح
ربنا يكرمك ويكرمنا أجمعين ؛؛؛؛
لا تنقطعى عن الكتابه حتى ولم لم تجدى أحد إكتبى لأفكارك ستجدين الكثيرين يبحثون عما تكتبين
ردحذفإن شاء الله سأكتب الكثير ....
ردحذفشكراً لتواجدك فى مدونتى بإستمرار ....
تحياتى ؛؛؛؛