حياتنا كلها عبارة عن أفعال وإنتظار لردود
أفعال ، دائماً ننتظر رد فعل لأفعال قد فعلناها وبيطلع إننا بننتظر سراب رماد
دُخان يطير فى الهواء ....
ضحينا وتعبنا إدينا وسهرنا بكينا جينا على نفسنا
خلينا الناس دول أهم مننا .
عملنا نفسنا لعبة فى إيديهم يجيبونا يمين وشمال
يتحكموا فى حياتنا وخربت حياتنا بسببهم وعشانهم وقلنا مش مهم المهم هما يكونوا
كويسين ومبسوطين سعادتهم من سعادتنا وطلع كله كلام والأوجع من كل ده لو الناس دول
من دمك يعنى من أهلك يعنى أقرب الناس إليك ......
جينا على صحتنا أهملنا نفسنا تعبنا روحنا
لدكاترة إحتاجنا ليهم وف الآخر ملقناش حد واقف جمبنا .... صبرنا وكافحنا وقفنا جمبهم
وقت شدتهم ضحينا بحياتنا بمستقبلنا بسعادتنا عشانهم وطلعوا ف الآخر ميستاهلوش زى
غيرهم كتير .....
تعبنا وياريتنا ما تعبنا عشان ناس مهُماش ناس
من غير إحساس مليانين قسوة وحُبنا طلع ما بينقاس...
مش ديما كل الى بنقدرهم بنلاقى منهم تقدير أو كلمة شكر على الأقل وكمان إحنا وإحنا بنعمل ده معاهم بنكون مش منتظرين كلمة شكر إنما يكفى نظرة رضا واعتراف بالجميل .
ردحذفوحتى لو مكنش فيه اعتراف بالجميل فيكفى اننا عملنا ده لوجه الله وربنا يجزينا خير فى النهاية
مش قولتى ان الغاليه الىقلبك قالتلك اعملى خير وارميه فى البحر اعملى بنصحيتها ترتاحى
صباحك ندى . ياندى .. لية بس نظرة التشاؤم دية بصى ياندى كل واحد بيعمل للأسف بيفتكر ان هو بس اللى أعطى ولو بص للطرف الأخر سيجد ان فعلة وعطائة لايقارن بما أعطى هو انتى فاهمانى
ردحذفوخدى بالك في مقولة بتقول كما تدين تدان . بمعنى انك قدمى انتى الشكر والامتنان الأول وصدقينى ستجدى الخير وكمان ياندى كلنا تقريبا كدة في مركب واحدة يعنى التعب والشقاء والتضحية على الجميع . وعموما اذا وجدتى غير ذلك خلاص أعملى خير وأرمية في البحر.. وصدقينى ربنا سبحانة وتعالى لايضيع الأجر .
ندى بتمنى ليكى كل الخير .. انسانة
أخى العزيز جمال
ردحذفعندك حق حتى لو ملاقتش تقدير هعمل الخير وارميه فى البحر
شكراً لمرورك الدائم الى بجد بينورنى ويسعدنى وتعليقك الجميل ربنا يوفقك ؛؛؛؛
تحياتى ؛؛؛؛
انا الى بكون أكثر سعادة بتواجدى فى عالمك شديد الخصوصية وشديد الجمال والروعه فى ذات الوقت
حذفويارب تكونى ديما بخير وسعادة
تحياتى أختى الغاليه
انسانة
ردحذفازيك يارب تكونى بخير وصحة دايماً ، فعلاً ربنا لا يضيع أجر أبداً
جزاكى الله خيراً وربنا يسعدك
شكراً لمرورك ومتابعتك ليا لكى منى أرق الأمنيات ؛؛؛؛؛