زعلانة منك عشان سبتنى وحدى
عشان وعدتنى هتكلمنى ومكلمتنيش
عشان قولتلى هنحكى وانتظرتك طول اليوم ومسمعتنيش
ده انت حتى عليا مطمنتيش
على وجودى معاك ع حياتى وياك ع الصداقة
اللى بينا موفتنيش
ده انت غالى عليا
ده انت صديقى وأخويا وأهم ما ف الدنيا ديا
انت عارف إنك صديقى الوحيد وبرضو بتقسى
عليا
عارف إنى ماليش حد ف الدنيا ديا
عارف قد ايه محتاجه ليك وقد ايه صعب عليا
عارف إنى بحب أرضيك وأشوفك مبسوط وده كمان
كان صعب عليا
كنت بطمن عليك قبل ما تتطمن عليا
كنت بخاف عليك قبل ما تخاف عليا
كنت بشوفك بقلبى قبل عينيا
مش انت صديقى الوحيد والاقى زيك فين ف
الدنيا ديا
كنت كل ما أجى احكيلك ايه مزعلنى تغير
الموضوع وكأنى انا حمل تقيل مش بس عليك وكمان عليا
سبتنى وحدى ودموعى بتقولك بجد زعلانة منك
عشان محستش بيا
الصداقة كنز كبير والصديق الحق هو الى بيقف جمب صديقه وأتمنى تكونى بخير وسلام
ردحذفأتمنى لك دوام الصحة والعافية
ردحذفتحياتى ؛؛؛؛